На Годишното собрание одржано на 8 октомври 2005 година СОНЦЕ донесе одлука за нова структурна поставеност на организацијата и ги избра членовите на телата во организацијата.
Во моментов Управниот одбор го сочинуваат следните членови: г-ѓа Мабера Камбери- Претседавач, г-дин Самет Скендери, г-дин Алберт Муслиу, г-ца Драгана-Дина Митровиќ г-дин Пајтим Санти, г-ѓа Кјмет Амет и г-дин Исљам Шакир.
Извршниот одбор е составен од следните лица: г-дин Надир Реџепи - Извршен директор, г-ца Александра Бојаџиева-Програм менаџер за застапување на првата и интересите на Ромите, г-дин Незир Хусеини- Програм менаџер за локална соработка, г-дин Ферди Исмаили-Програм менаџер за образование и култура на млади.Во моментов организацијата има вработени 4 лица-членовите на Извршниот одбор. Истовремено организацијата има постојан обрт на други лица-врботени во проекти, активисти, волонтери. Сите вработени во организацијата поседуваат одредено ниво на капацитет за организациско работење и работење на областите кои се надлежни, со тоа што одредени капацитети би требало да се прошират и подобрат во одредени аспекти. Управувањето, контролата и системот на планирање во организацијата се на високо ниво помеѓу организациските структури.Капацитетите на структурите, особено на извршно ниво се планира да се надградат со системи за координација и информирање и да се унапреди капацитетот за имплементација и временско управување.Сите лица кои се ангажирани во СОНЦЕ се посветени на работата и имаат желба да придонесат кон остварувањето на целите на организацијата и доследно ја претставуваат и застапуваат организацијата во јавноста. Организацијата има околу 20 волонтери кои еднаш неделно доаѓаат и се ангажираат на различни задачи, но во следниот период ќе биде потребно повеќе да се работи на нивната мотивација.
СОНЦЕ има добри системи за планирање и контрола на работата. Со воспоставената структура овие системи уште повеќе се унапредуваат. Во однос на системот за архивирање и системот за управување со информациите СОНЦЕ прави напори за подобрување, во рамките на можностите на човечкиот капацитет на организацијата. Одредени стандарди за работа, правила и процедури, програми (за градење капацитети, за волонтери, итн), механизми и системи (за мониторинг и евалуација, за финансиско управување, итн), како и некои документи поврзани со кадровско работење и слично , во следниот период се планира да се документираат, бидејќи иако постојат во организацијата , недостасуваат како пишани документи.