Асоцијацијата за Демократски Развој на Ромите „ Сонце “ е организација на граѓанското општество, етаблирана на локално, национално и меѓунродно ниво, која активно придонесува за граѓанска и демократска интеграција, ефективно учествува во општеството и подеднакво практикување на демократските права и можности на Ромите ,преку градење на капацитети, директна поддршка и застапување.
АДРР „ Сонце “ е формирана 1996 како неформална група за само-помош на ромската заедница во Тетово. По почетната хуманитарна работа, во 2000 година Сонце се трансформира во развојна организација која работи во различни проекти и програми. Досега, има реализирано 33 проекти и 1 е во процес на реализција. АДРР „ Сонце “ има учествувано на повеќе проекти како партнерска организација. Од 2001 до денес, Сонце е институционално поддржана од Ромската Партиципативна Програма на Инститот Отворено Општество, Будимпешта. Со оваа поддршка организацијата функционира како како ромски центар во Тетово, при што во рамките на работењето овозможува образовна поддршка на млади Ромите, административна поддршка на Ромите , културни настани итн. АДРР „Сонце“ е локален партнер на Меѓународната Група за Малцински Права , е дел од членките на мрежата на РНВО Рома 2002 и членка на мрежата Иницијативи за Развој на Општеството, исто така соработува со многу невладини организации, како и локални и државни институции, медиуми итн.
Како главни приоритети на работењето на организацијата се следните :
партиципација во имплементацијата на акционите планови од Декадата за вклучување на Ромите и Националната Стратегија на Роми, како и мониторинг и евалуација на истите; да лобира и застапува за правата и интересите на Ромите, конкретно за практикување на човекови / малцински права пред локални, национални и меѓународни актери; да гради и развива дијалог во заедницата во реализација на ромските прашања и интереси; да гради капацитети во заедницата ,поточно преку организациски капацитети од сите аспекти на организациска работа .
Приоритетите на АДРР„Сонце“ се реализраат преку трите програми и тоа :
Програма за застапување и лобирање на правата и интересите на Ромите,Програма за образование и култура на млади Роми, Програма за локална соработка .
АДРР„Сонце“ е дел од локалната мрежа на НВО форумот, како дел од Програмата за локална соработка. Форумот е поддржан од градоначалникот на општината Тетово кој е наменет за дискусии помеѓу НВОиза различни теми во интерес на локалната заедница. На овој начин Сонце ги обезбедува ромските интереси каде што ги вклучува на локалните програми и иницијативи покренати од локалната самоуправа. Организацијата е дел од локалната мрежа на НВОи кои работат на децентрализацијата и локално учество. Поврзано со оваа програма се организираат краткорочни активности со Ромската заедница и останатите доколку се јави потреба . Активностите се планираат со учество на Ромската заедница, но генерално тие зависта од потребите и интересите на Ромите и покриваат области како што се медиуми,образование, здравство итн. Како дел од оваа програма беа подготвени Локалните Акциони Планови за потребите од Декадата за вклучување на Ромите. Истите ЛАП беа изгласани од Советото на општина Тетово. Во оваа програма во тек на реализација е и проектот Ромски Информативни Центри поддржан од Министерството за труд и социјална политика. Една од целите кои што ги постигна РИЦ е потпишувањето на меморандумот за соработка со сите локални институции во Тетово.
