АДРР Сонце АДРР „ СОНЦЕ “ ќе се стреми да ја оствари својата визија , односно да прерасне во институција за интеграција на Ромите преку работа на градење на човекови и материјални капацитети врз основа на кои ваквата институција ќе се формира. Градењето на човековите и материјалните капацитети ќе се реализира со градење на искуство во организирање на ромската популација и нејзино застапување и лобирање пред клучните актери, како и преку истражувања и анализи за реалните состојби и давање конкретни препораки ,за надминување на отворените прашања и вклучување во нивната реализација .
Искуството, капацитетите и само-одржливите решенија ќе се формираат преку работа на следните конкретни подрачја :

• Учество во реализацијата на Декадата на Вклучување на Ромите и поконкретно на Националнта Стретегија за Ромите во Македонија, особено во делот на процесите на набљудување на реализација на приоритетите

• Како локални партнери на Меѓународната Група за Малцински Права, програмата за Југоисточна Европа планираме да работиме на анализа на проблемите и потребите на Ромите во Македонија и пошироко и да ги застапуваме нивните интереси пред клучните актери . Ова е продолжение на нашите претходни ангажмани во делот на промоција на мирот и стабилноста и застапувањето на човековите/малцинските права на сите . Во текот на 2005 година ова ќе се реализира преку работа на две студии.

• Заедно со партнерските организации од мрежата Иницијативи за Развој на Општеството , АДРР „ СОНЦЕ“ ќе работи на подобрување на економските услови за загрозените групи , особено Ромите.Во овој дел „СОНЦЕ“ ќе го искористи своето постоечко широко искуство за квалификација на економски слабите групи за конкурирање на пазарот на трудот и ќе ги зголеми и засили своите активности на планот на економска партиципација на Ромите во општеството.

• Како основен предуслов за успешна интеграција на Ромите во Македонија „СОНЦЕ“ ќе развива и имплементира програми за подобрување на образовниот статус на Ромите во Македонија, особено преку работата на Младинскиот Форум и програмите за оспсобување на Ромите.

• АДРР „СОНЦЕ“ , преку сите програми кои се однесуваат на подобрување на образовниот и економскиот статус и квалификација на Ромите за нивно полесно интегрирање во општеството, како и преку специфични програми ќе се стреми да ја намали сиромаштијата меѓу Ромите и да го подобри нивниот севкупен општествен статус.

• Користејќи ги своите контакти на национално и меѓународно ниво, прекуграничната работа во партнерствата со други организации со сличен карактер и своите програми за застапување и лобирање ,
  АДРР„СОНЦЕ“ ќе вложи напори за глобално поврзување на Ромите во светот, особено во адресирањето на заедничките потреби и изнаоѓањето на позитивни решенија за проблeмите и потребите на Ромите .